Օրեր առաջ իմացանք, որ Գարեգին Երկրորդը Հոլանդիայում հոգևորականի է կարգալույծ արել, բողոքի ցույցին մասնակցելու համար, այսօր հայտնի դարձավ, որ նման կերպ է վարվել նաև երկու այլ քահանաների հետ՝ արդեն Հայաստանում: Նրանք նույնպես ցույցերի են մասնակցել, բայց արդեն Երևանում՝ Խորենացի փողոցում:

Մեր բարձրաստիճան շատ հոգևորականների պահվածքն ընդհանրապես միայն պարսավանքի է արժանի, քանզի նրանք պարզապես խայտառակում են մեր Եկեղեցին: Եվ այս խայտառակությունը գալիս է հենց Գարեգին Բ-ից, ով Սերժ Սարգսյանի համար վերածվել է՝ Աստծո մոտ յուրահատուկ բարեխոսի և ով աչքերը փակում է, կամ էլ արդարացնում Սերժ Սարգսյանի ցանկացած դատապարտելի արարք, դրա դիմաց էլ ստանում հարկային և այլ ֆինանսական արտոնություններ՝ սեփական բիզնեսը ծաղկեցնելու համար, քանի որ վեհափառը չի սահմանափակվում միայն ՓԲԸ-ի վերածված Եկեղեցու եկամուտներից, այլ ձեռքը գցել է նաև «աշխարհիկ» բիզնեսների մեջ:

Սա պարզապես ամոթալի է: Հետո էլ զարմանում են, թե ինչու էին մարդիկ Հռոմի պապի այցի ժամանակ այդքան մեծ խանդավառությամբ ընդունում նրա օրհնությունը, ուշադրության չարժանացնելով Գարեգին Բ-ին: Զարմանալի բան չկա, քանի որ այդ մարդը երևի կարծում է, որ ինքն էլ Ամենայն Հանրապետական Կաթողիկոս է՝ անտեսելով ժողովրդին: Ժողովուրդն էլ նույնությամբ է պատասխանում: Ցավն էլ այն է, որ եթե այսպես շարունակվի, մականունավոր կաթողիկոս ենք ունենալու՝ օրինակ, Բենթլի Առաջին...եվ սա, ցավոք, չար կատակ չէ, այլ դաժան իրականություն:

Հրանտ Ենոքյանի ֆբ էջից