Բայց սա դեռ ամենը չէ, ավելին, ցավազրկողների ազդեցության տակ, այդպես էլ չհասկանալով, թե ինչ առողջական խնդիրներ ունի տատիկը` հարազատներին կեսգիշերին ասել են, որ կարող են տանել, քանի որ ըստ էության ոչինչ, բացի ցավազրկելուց չեն կարող անել:
Երբ հարազատները խնդրել են, որ գոնե մինչ առավոտ պահեն տատիկին եւ դեղերի ազդեցության տակ իրենց հարազատին չտանեն տուն, քանի որ դա հավասար էր նրան միանգամից գերեզման իջեցնելուն: Փաստորեն «լֆիկի» (պատգամավոր Սամվել Ալեքսանյանի սեփականությունն է) հիվանդանոցում պահանջել են իսկական «լֆիկական» գներ: Մասնավորապես, տեղի բժիշկները պատասխանել են, որ այդ դեպքում պետք է առավոտյան` չհաշված անալիզների համար վճարած գումարը` վճարեն եւս հիսուն հազար դրամ զուտ այն բանի համար, որ մի գիշեր վատառողջ մեծահասակին պահել են չորս հոգանոց ընդհանուր պալատում:

Փաստորեն, երբ քաղաքացիները, իսկ տվյալ դեպքում մեծահասակ թոշակառուն, համարձակվում են վատանալ` դա նրանց վրա շատ ավելի թանկ է նստում: Մեկ գիշերվա համար պահանջելով 50 հազար դրամ, նշանակում է պահանջել իր ողջ ամսվա թոշակը, դեռ մի բան էլ ավելին: Թե որքանո՞վ է օրինական թոշակառու կնոջից, ում ի դեպ Շտապ օգնության մեքենայով, ցավերի մեջ հասցրել են «Աստղիկ», եւ պահանջել նման չլսված գումար, հետաքրքրվել ՀՀ ԱՆ լրատվական ծառայությունից, որտեղից մեզ փոխանցեցիցին հետեւյալը.

- Եթե տատիկը թոշակառու է կամ Շտապ օգնության մեքենայով է գնացել հիվանդանոց` դա դեռ չի նշանակում, որ նրան պետք է անվճար բուժօգնություն տրամադրեն: Անվճար բուժօգնություն է տրամադրվում կախված հիվանդի կարգավիճակից` եթե նպաստառու է, եթե ունի կարգ, եթե վիճակը շատ ծանր է գնահատվում` նրան վերակենդանացման բաժանմունքում կարող են երեք օր անվճար պահել: Ինչ վերաբերում է առանձին հիսուն հազար դրամ մի գիշերվա համար պահանջելուն այդ հարցին մենք չենք կարող պատասխանել` դա ճիշտ կլինի պարզեք հենց նույն հիվանանոցից, քանի որ այն մասնավոր է:

Մենք, իհարկե կփորձենք այս հարցի պատասխանը ստանալ նաեւ վերոնշյալ հիվանդանոցի պատասխանատուներից եւ ներկայացել քիչ ուշ,- գրում է «Իրավունք» թերթը:

iravunk.com