«Գրախանութները պետք է դառնան ընտանեկան հանգստի տեղ» Արմեն Ամիրյանի ասածն ողջյունելով՝ կիսվեմ մի քանի խնդիրների մասին, որոնք գուցե մի օր իրեն էլ ասեմ, ասենք:
Գրախանութներում վաճառվում են առանց «լիզենզավորման», ուղղակի տպված գրքեր, որոնք էժան էլ չեն:
Հակառակ սրան, հարկատու տպագրատները՝ Անտարես, Զանգակ, Դարակ և մնացածի գրքերը քառակի անգամ թանկ են:
Ինչո՞ւ ռուսական նոր տպագրվածները 2200 դրամ են վաճառվում, իսկ հայերեն նոր տպագրվածը ՝ 5000 դրամ : Գուցե նրանց ընդառաջելու խնդիր կա ու լուծումը կբերի և՛ էժան գրքերի, և՛ շատ քանակի տպագրության: Արդյունքում չի տուժի ո՛չ տպագրատունը, ո՛չ ընթերցողը:
Եվ նոր գրքերը չես կարողանում գնել, որովհետև քսան օր սոված պետքա մնաս, փող հավաքես կամ բոմժի պես ֆբ խմբերին խնդրանքով դիմես, բախտդ բերի սիրուն եղար կամ կարճ բդերով նկարներ ունեցար՝ հեշտ կհանդիպեն, կտան կկարդաս, չէ հենա կարողա մի բարի մարդ ասի՝ լավ տամ կարդա մեղքա: Վերջը, ֆբն էլ չի օգնում, ուզում ես գնաս գրադարան՝ սովորավար Ավ. Իսահակյանի, ու հոպա, չկան այդ գրքերը, պատճառաբանելով՝ քաղաքապետարանից ֆինանս չկա:
Թատրոններում, գրադարաններում, և հենց Գրողների միությունում, Խնկո Ապերում միջոցառում անցկացնելու համար գումար են ուզում: Գումար, որը ում գրպանն է գնալու , եթե Հյուլե ակումբը լիզենզավիրված չէ, որ տվածդ փողը հարկայինով եսիմ ոնց մտնի էդ կառույցի բյուջե: Բնականաբար կլորիկ գումարն իրեն ձեռքն ես տալու, դե էժանով կանեն էլի:
Էլ չեմ ասում, որ թքած ունեն, դու գրական գործ ես անում, օժանդակելու փոխարեն, ասում են փող տուր:
Հարցը ես չեմ, կամ ակումբները. անապատի մեջ էլ քննարկում կանենք, ու առհասարակ էսօր մեր երիտասարդները էնքան ակտիվ ու գրքասեր են, որ օդում ջրում, ցամաքում թույն, հավես քննարկում կանեն, առանց մի ակումբի ու հենց ընկերներով իրենց: Հարցը էդ չի, այլ էն կեղտերը, որոնք պետքա մաքրվեն, որ գրականագետների, գրողների, ժողովրական արտիստների կոչումներ ունեն, սև զահրումարի կոչումներ ունեն, բայց ասում են փող տուր, փողովա: Անկուսակցական, բայց հոգով ու սրտով հանրապետականներ են դրանցից շատերը:

Էլ չասեմ մաքրվեն էն տեսակ գրադարանի աշխատողները, որ Հյուգոյին չեն ճանաչում ու էն փոխտօրենները, ովքեր չգիտեն, որ արգելված գրականություն այժմ չկա ու էդ առաջ էր, հիմա Անտարեսի մատենաշարերից մեկն է ընդամենը:

Արշակ Արշակյանի ՖԲ էջից