Ներկայացնում ենք ապրիլի 11-ի մարզական իրադարձությունների ամփոփումը․
       Հայկական սպորտ
        • ՀՖՖ տեխնիկական կենտրոնում՝ Ֆուտբոլի ակադեմիայում կայացավ Հայատսանի և Իսրայելի մինչև 19 տարեկանների հավաքականների առաջին ընկերական հանդիպումը: Իսրայելի ընտրանին հաղթանակ տոնեց 2:0 հաշվով:
     • Նորվեգիայի Ֆորդե քաղաքում մեկնարկած ծանրամարտի Եվրոպայի առաջնության շրջանակներում այսօր տեղի ունեցավ 53 կգ քաշային կանանց պայքարը։ Հայաստանն այս քաշային կարգում ներկայացնող Աննա Գովելյանը, պոկելով 78 կգ և հրելով 96 կգ, երկամարտի 174 կգ արդյունքով 9-րդ հորիզոնականում է։
        Միջազգային սպորտ
         • Դորտմունդի «Բորուսիա»-ն և «Մանչեսթր Սիթի»-ն չեն կարողանում համաձայնության գալ Իլքայ Գյունդողանի տրանսֆերի շուրջ։ Անգլիացիները ֆուտբոլիստի համար առաջարկում են 35 մլն եվրո, սակայն դորտմունդցիները պահանջում են 45 մլն։
     • Կոլումբիայի առաջնության ֆուտբոլիստները բողոքի ակցիա են անցկացրել՝ ի պատասխան կառավարության որոշմանն՝ առաջնության խաղերը ցերեկային ժամերին անցկացնելու մասին։ Ակցիան տեղի է ունեցել երկրի 8 խոշորագույն մարզադաշտերում։ Հանդիպման մեկնարկն ազդարարող սուլիչից հետո, ֆուտբոլիստները նստել են խոտածածկին։ Մի քանի րոպե անց հանդիպումները շարունակվել են։
     • «Բարսելոնա»-ի կիսապաշտպան Ռաֆինյան չի կարողանա մասնակցել Չեմպիոնների լիգայի ¼ եզրափակչի՝ «Աթլետիկո»-ի դեմ ապրիլի 13-ին կայանալիք պատասխան հանդիպմանը։
     • Սամուել Էտո´Օ-ն նշել է, որ ցանկանում է գլխավորել իտալական «Ինտեր»-ը, որի կազմում խաղացել է 2009-2011 թվականներին․ «Մի գեղեցիկ օր կուզեի գլխավորել «Ինտեր»-ը: Ես ուզում եմ մարզել, չնայած չգիտեմ, թե հատկապես որտեղ կանեմ դա` «Ինտեր»-ում, «Բարսելոնա»-ում կամ ինչ-որ այլ տեղ: Բայց երբ ես սկսեմ մարզչական կարիերաս, ապա հաղթելու եմ, ինչպես անում էի խաղային կարիերայիս ընթացքում»։
     • «Բարսելոնա»-ի հարձակվող Լիոնել Մեսսին 2015 թվականին վաստակել է 74 մլն եվրո։ Նա առաջին հորիզոնականում է այդ ցուցանիշով։ «Ռեալ»-ի հարձակվող Կրիշտիանու Ռոնալդուն երկրորդ հորիզոնականում է` 67,4 մլն եվրոյով։ Երրորդ հորիզոնականում է Մեսսիի թիմակից Նեյմարը` 43,5 մլն եվրոյով։ Մարզիչների շրջանում առաջին տեղը զբաղեցնում է Ժոզե Մոուրինյոն՝ 24 մլն եվրո եկամտով։
     • Իսպանական «Խետաֆե»-ն պաշտոնանկ է արել թիմի գլխավոր մարզիչ Ֆրան Էսկրիբային․ «Ակումբը շնորհակալություն է հայտնում Էսկրիբային նրա աշխատանքի համար և հաջողություն է մաղթում նրան ապագայում»։
     • Աշխարհի առաջին ռակետ Նովակ Ջոկովիչը կնոջ՝ Ելենայի հետ Մոնտե-Կառլոյում առողջ սննդի ռեստորան է բացել։