«Ժամանակ» թերթը գրում է. ««ՀՀ վարչապետ Հովիկ Աբրահամյանը նախօրեին հայտարարել էր, թե ով ուզի կարող է ներկրմամբ զբաղվել։ Այս կապակցությամբ մեր հարցին Գործատուների հանրապետական միության նախագահ Գագիկ Մակարյանը պատասխանեց. «Այլ տնտեսվարողներ կարող են ներկրել, ասենք, շաքարավազ, բայց երաշխիքներ չկան, որ այդ անձը կկարողանա իր տեղը գտնել շուկայում։

«Կառավարության ղեկավարը եւ մյուսները նման համարձակ ձեւով են խոսում, քանի որ վստահ են՝ եթե մեկը փորձի շաքարավազ ներկրել, ապա երկու տոկոսից ավել չի կարող բերել եւ ծածկել շուկան։ Արդյունքում կրկին շուկայում կմնա մեկը՝ Սամվել Ալեքսանյանը»: