Ֆորմուլա 1-ի ընթացիկ մրցաշրջանը մոտենում է ավարտին: Սկզբում և միջնամասում աղյուսակը գլխավորող Լյուիս Հեմիլթոնը հայտնվել է հետապնդողի դերում: Վերջին 3 Գրան պրիներից առաջ բրիտանացուց ահռելի ջանքեր են պահանջելու:

Գործող չեմպիոնը խոսել է «արքայական» ավտոսպորտի ընթացիկ մրցաշրջանի մնացած հատվածի մասին.

«Ես լավ տրամադրություն եմ պահպանում. միայն դա պետք է անել: Ես երբեք չեմ հանձնվել և շարունակելու եմ այդպես անել:

Պատմությունը շատ բան է սովորեցնում. ամեն ինչ հնարավոր է: Պետք է կենտրոնացվածությունը պահպանելով շարունակել աշխատել: 

Ինչպիսին էլ լինի արդյունքը, ես վստահ եմ լինելու, որ ամեն ինչ արել եմ»,- Հեմիլթոնի խոսքն է մեջբերել «Sky Sports»-ը:

Հեմիլթոնը 18 Գրան պրիներից հետո Ռոսբերգին զիջում է 16 միավոր:

armsport.am