Մելանյա Պետրոսյանց իր ֆեյսբուքյան էջում գրում է.

Առաջիկա Ազգային Ժողով մտնելու համար հայաստանյան կուսակցություններն արդեն իրար են խառնվել, համամասնականի ցուցակներն են սկսել ձևավորել; Իսկ ես էշի ականջում դեռ քնած եմ։ Բայց ես էլ եմ ուզում ԱԺ-ի պատգամավոր դառնալ, այնինչ՝ դա հնարավոր է միայն կուսակցական ցուցակով, իսկ ես որևէ կուսակցության անդամ չեմ, ինձ ո՞վ կվերցնի իր ցուցակի մեջ։ 

Չէէէէէէ, հարկավոր է մի բան մտածել։

Փաստորեն միակ ճանապարհը որևէ կուսակցության անդամ դառնալն է։ Հա, բայց ո՞ր կուսակցության։ Իզուր էլ ժամանակին կուսակցություններին իմ էջից քայլով մարշ տվեցի, հիմա ի՞նչ երեսով գնամ, ասեմ, թե ուզում եմ անդամակցել ձեր կուսակցությանը, առավել ևս՝ ձեր կուսակցության ցուցակով պատգամավոր դառնալ։ Էհ, մնում է մի ճանապարհ։ 

Իմ ՖԲ ընկերների մեջ շատ կուսակցական ընկերներ կան, տեսնեմ, ո՞վ իմ խնդրագիր-գրությունը կարդալուց հետո, կառաջարկի իրենց կուսակցության անդամը դառնալ, կապ չունի իշխանականն ու ընդդիմականը։ Խոստանում եմ ակտիվ մասնակցել ընտրապայքարին, ԱԺ պատգամավոր դառնալուց հետո խմբակցությունս չփոխել, անկախ պատգամավոր չդառնալ, լինել խոնարհ, հավատարիմ կոճակ սեղմող։
Մնամ կարոտով առաջարկի սպասող։