Հուլիսի 14-ի երեկոյան ահաբեկիչը բեռնատարով մեծ արագությամբ մխրճվել է Նիսի Անգլիական զբոսափին հավաքված հոծ բազմության մեջ, զիգզագաձեւ մոտ 2 կմ առաջ շարժվել՝ մարդկանց ճզմելով, ապա կրակ բացել: Զոհվել է առնվազն 80 մարդ։ «Ոստիկաններին առաջին հայացքից թվացել է, թե մեքենան խնդիր ունի, չի կառավարվում, բղավել են՝ կանգնիր, կանգնիր, հետո կրակել են մեքենայի վրա, ոչ՝ վարորդի։

Սկզբում չեն մտածել, որ ահաբեկչություն է, հետո, երբ հասկացել են, թե ինչ է կատարվում, կրակել, սպանել են»,-պատմեց մեր հայազգի զրուցակիցը Նիսից։ «Քաղաքը տուրիստական, ուրախ քաղաք էր, հիմա դարձել է ստվերների քաղաք, մարդիկ շոկի մեջ են, քարացած են։ Քաղաքի կենտրոնական ծովափի տարածքն ամբողջությամբ փակել են»։

 hraparak.am